Yn rakhe ïa ka sngi kha u Mahatma da kaba pyni phlim

Shillong Nailur 29: Ban kynmaw burom ïa ka lyngkhuh sngi kha ba 150 jong  u kpa ka Ri u Mahatma Gandhi , mynta ka snem na ka liang ka Department of Journalism & Mass Communication, North Eastern Hill University, Shillong ka pynlong ïa ka Gandhi Filmotsav bad  Online Film Screening.

Ha ka sngi kha jong u Gandhi ha u snem 2018 ka dei ka jingsdang ïa ki ar snem  jong ka jing kynmaw burom  ïa ka jingdap 150 jong ka sngi kha jong u Mahatma Gandhi ka ban pynkut noh ha ka 2 tarik u Risaw  2020. 

Ha kane ka sngi yn sa pyni ïa ki phlim ki ba ïadei bad u kpa jong ka Ri, la sdang ïa kane ka jingrakhe jong ka jingdap 150 snem jong u Mahatma da ka ba pynmih bad pyni  ïa bun tylli ki phlim ba lyngkot halor u Gandhi ha kylleng ka Ri.

Kum ka jing pynkut ïa ka jingrakhe ïa ki ne ki ar snem jong ka jing dap 150 snem na ka liang ka Department kan pynlong ïa ka jing pyni ïa ki phlim shi taïew kynthih  kaba la tip kum ka ‘Gandhi Filmotsav’  ka ban pyni lyngba da ki Website bad YouTube Channel naduh ka 26 Nailur haduh ka 2 tarik Risaw 2020. Ka Department of Journalism & Mass Communication, North-Eastern Hill University, Shillong ha ka jingïa trei lang bad ka Films Division ki la pynlong ïa kane ka phlim festival lyngba ka ban dei lyngba ki kor jong kane ka juk ba mynta. 

Ka filmotsav kan sdang da ka   animation film, Vaishnav Jan , ki don ruh ki wei dei ki phlim kum ka Dawn of Gandhian Era (20 min.), 85 Nayak Ni Pol Porbander (12 min.), Then Came Gandhi (21 min.), The Great Salt March (19 min.), The Hundred Minutes (13 min.), Gandhiji : Through the eyes of a Cartoonist (9 min.) bad  ka Yug Devata, ka phlim kaba pyni halor ka jing phoh sngiew jong u Mahatma Gandhi’s  haba ïadei bad ka Swachh Bharat. Ha kane ka festival yn pyni ruh ïa ka phlim Baapu Ne Kaha Tha (83 min.) bad ka Abhi Kal Hi Ki  Baat Hai (42 min.), ki ar tylli ki phlim ki ba bun ki briew ki ju peit bha hadien ki phlim jong u Gandhiji,  ba la pynmih da ka Children’s Film Society of India.

Ïa kine ki phlim yn sa pyni man ka la sngi lyngba ka www.filmsdivision.org ,   www.cfsindia.org  bad https://www.youtube.com/user/FilmsDivision ,   haduh ka 2 tarik Risaw 2020.

Previous articleNalor ka bailutksan, dawa ka KSU, SWKH bad kiwei ki kam pynroi
Next articleAi injek ksew ei ha ka world Rabies Day ha Rilum Jaiñtia