Yn pyllait paidbah ïa ka Music Video “Ha Jingphohsniew” ha YouTube

Ka dur na ka Music Video "Ha Jingphohsniew"

Mairang 12 Nailar, 2020: Ka NNM production ka la pyntip paidbah ba kan sa pyllait ïa ka jingrwai ba la ai kyrteng “Ha Jingphohsniew’ ha ka 15 tarik u Nailar 2020, ka sngi ba ka ri India baroh kawei ka rakhe ïa ka sngi jong ka jingïohlaitluid ka Ri.

Ïa kane ka Music Video yn pyllait ha ka youtube channel ba la ai kyrteng ka NNM production ha ka por 10 baje mynstep bad ïa ka Promo jong kane ka Music Video yn pyllait ha ka Batesi TV ha ka 12 tarik mynta u Nailar 2020.

U Bah J. Star Nongsiej uba dei u Director bad Producer jong kane ka music video u la ïathuh ba ïa kane ka Music Video ba la ai kyrteng “Ha jingphohsniew” la rikod ha “Fend Recording Studio” kaba don ha Umthied-Bynther ba la longtrai da u Bah Jamphang Nongrum bad ki Nongrwai ki kynthup ïa u Bah Sanju Lyngdoh bad ka kong Dariakor Wahlang. Ïa ka bynta jong ka puron ha kane ka jingrwai la shim da i Junica Lyngdoh bad u tyngshop pat la ak da u Ïaikitlang Shadap.

Ïa ka video la ringdur ha kylleng ka thaiñ West Khasi Hills khamtam ha ka thaiñ Kynshi bad ruh ha ki katto katne ki jaka jong ka Upper Shillong, la ringdur bad shna da u Bah Budlang Nongrum.

Ka NNM production ka kyrpad ïa ki paidbah ban ai lem ka jingkyrshan ïa kane ka music video khnang ba kum ka kynhun kan nang lah shuh shuh ban dang bteng ban pynmih ïa ki jingrwai na ka por sha ka por bad shen kin sa pyllait paidbah noh ïa ka trailer jong ka phlim “SOHKHLIANG”.

Previous articleLa pynïakhlad ïa ka kam bishar bad kam synshar ha EJH
Next articleKi atiar ban ïakhun pyrshah ïa u ‘Corona’ ryngkat ka ‘SMS’