Wat ïa i barit ruh kam lah, shaei kan lah ka sorkar ban pynbeit ïa u pud:Angela

Shillong Naitung 19: Ka nongialam ka Thma U Rangli (TUR) ka kong Angela Rangad hynne ka sngi ka jinglap ia u khaw ICDS na kudam ha Assam ka long kumba tuh ia ka bhah jong ki khynnah kaba la mang kyrpang na bynta jong ki.

Haba kren hynne ka sngi sha ki lad pathai khubor, ka kong Angela ka la ong ba ka ladep phah ia ka dorkhas sha ka sorkar jylla na bynta ban pynbeit bad la dawa ba dei ban khang ia noh ia ka Continental Milkose Ltd.     

“Ngi ladep phah ia ka dorkhas ha ka sorkar jylla na bynta ba kan pynbeit ia kane ka ishu bad ngi la dawa ba dei ban khang noh ia ka Continental Milkose Ltd, dei ban kyntiew ia ki nongsuplai khnang ba baroh kin ioh ia ka lad ban kamai ban ia im bad dei ban wanlam ia ki bam ba ki khyllung kiba tei bad seisoh ym ban shu pynbor ba kidei ban shim tang na ka daw ba kin ioh ia ka kontrak. Kine kidei ki jingdawa ba suk ban pynbeit hynrei ka sorkar kam shym la leh eiei,” ong ka nongialam ka TUR ka kong Angela.

Ka kong Angela ka la ong, “ Kam don jingeh ban pynbeit ia kine ki ishu hynrei kadei namar ba kim don ka mon ka mynsiem bad ka dei shisha ka sorkar na bynta ki heh spah kiba shong ha Secretariat tang ba bynta ban pynsted ia ka kontrak na bynta ban ioh ban thied ia ki kali ba rem bad ban shna ia ka jaka jngi kaba da ki phew Klur wat hapdeng ka jingdon jong ka khlam.”

Shuh shuh ka kong Angela ka la ong ba lada ka sorkar ia kane ka ishu barit kam lah ban pynbeit bad sa ia ki ishu ba heh kum ka ishu khappud ban iapynbeit ia u pud u sam, ka ishu bym ioh kam ioh jam shaei kan lah ban pynbeit.

“Ki paidbah ki ladei ban sngewthuh nangne shakhmat ba kidei ban jied ia ka sorkar kabab uh nyngkong eh hakhmat ia ki jingeh jong ki paidbah ym dei tang ban shu ia shna pisa ban pynkiew ia ka jingiohnong na bynta ka bha ka miat lade shimet,” ong shuh shuh ka kong Angela.

Previous articleMarwei ïakhih ka Kong Angela ban dawa pyllait noh ïa ka pisa ki nongbylla
Next articleDawa u MLA & MDC ban pynurlong ïa ka Umden C&RD Block bad surok NUS