U dohkha Mutant Shark ba long kum u briew

U khun dohkha mutant shark.

Jakarta, Rymphang 28:Uwei u nongkhwai doh na Indonesia dang shen u la kam ba ïoh ïa u khun dohkha mutant shark ba don ïa ka durkhmat kum u briew.

Utei u khun dohkha mutant shark u don ka durkhmat thik kum u briew ba don ki khmat bad shyntur. Kane ka jingjia ka la pynlyngngoh ïa utei u nongkwai ban lap ba u dohkha u don ka dur khmat kum u briew kaba ym pat ju lap ne ïohi mynno mynno ha ka jingim.

Katkum ka khubor ka Daily Mail, ka ïathuh uwei u nongkwai doh ba la ithuh kyrteng u Abdullah Nuren  48 snem u la kam ba la ïoh ïa u khun mutant shark na um hajan Rote Ndao ha East Nusa Tenggara province. U la pyni ïa ka dur ha ka online bad ka la pynlyngngoh ïa kiba bun balang ïa ka jinglong khyllah ka durkhmat utei dohkha.

Ka khubor ka ïathuh ba u nongkhwai ha kaba nyngkong u la ïoh u dohkha shark baheh. Hynrei hadien yn da u la puid ïa ka kpoh u shem ba don lai tylli ki khun ha kpoh. U lyngngoh ban lap uwei na kitei u don ïa ka durkhmat kum u briew ba don ar tylli ki khmat baheh.

Hadien ba u la lap ïa kane ka jingkam phylla, u Nuren u la rah sha ïing bad kiba haïing jong u ki la ïarap ïa u kumno ban pynneh pynsah ïa u. U la bynrap ba ki marjan ki la tyrwa ban thied ïa utei u dohkha hynrei u la kyntait.

“U lap ba ka kmie dohkha shark ka la ngat ha ka jar ba u pynap. Ha ka sngi ba bud u la puid ïa ka kpoh jong katei ka kmie bad lap ba don lai tylli ki khun ha kpoh. Ar tylli na kitei ki khun ki long kum ka kmie katba iwei pat i long phylla ban don ïa ka durkhmat briew,” la ong u Nuren haba ïathuh ha ka Daily Mail.

“Ka ïing jong u ka shlei da ki briew kiba wan peit ban ïohi ïa utei u shark. Bun na ki briew ki kwah ban thied ïa u, hynrei nga la kyntait bad nga kwah ba buh nam ïa u. Nga tharai ka dei ka bok ka nusip ba bha ïa nga,” u la bynrap.

U Dr David Shiffman, u conservation biologist bad u doctor research ha Arizona State University, u la ïathuh ïa ki ba utei u khun shark u kylla dur ka lah ban long na ka jingktah ka por kha.

Previous articleKa la dei ka por ban ithuh noh ïa ki Dorbar Shnong bad ki RS: SNSBH
Next articleRakhe ki sengbhalang ïa ka sngi ïap u samla Lurshai