Shi sdie thlieh u riew rangbah ïa ka samla haduh banda ïap

Raipur, Risaw: Kawei ka samla kynthei kaba 35 snem la kynnoh baka la shah thlieh da u sdie haduh banda ïap ha la u jong u baieit ba 40 snem ka rta uba ka la ïa shong ïa sah lang (live-in partner) ha ïingsah jong ki ha Bilaspur ha Chhattisgarh ha ka sngi Thohdieng, kane ka la jia hadien ba kine ki arngut ki la ïania na ka bynta i khun ba dang kha thymmai. Hadien kane ka kam beaiñ u runar ba la ithuh kum u Rajendra Nirmalakar, u la leit pyndem noh ïalade ha ka kti ki pulit.

Katkum ka jingjia, la ïathuh ba u Nirmalakar bad ka samla kaba la ïap, ka Poornima Pasi, ki la ïa shong ïa sah lang ka live-in relationship la kumba ar snem mynta. Kine ki arngut ki la ïa shong ïasah lang hadien ba ki la ïakhlad na la ki jong ki tnga jong ki. Ki pulit ha ka jingtohkit jong ka, ka la ïoh jingtip ba u Nirmalakar u la sngewsih bha ïa ka  Pasi ïa ka rukom sumar sukher jong ka ïa i khunlung jong ki. Ka jingpyni ïa ka jingdom jingbitar wat ïa i daw rit daw ria ruh. Ïathuh u Nirmalakar sha ki pulit ha ka sngi Thohdieng, lada dei ba um tuklar, ka Pasi kan jin lada pynïap ïa la i jong i khun, kaba long katkum ka kaiphot na ki lad pathai khubor.

Ka jingïania hapdeng u Nirmalakar bad ka Pasi ka la jia hadien ba u Nirmalakar u la wanphai ïing na ka kam ba u trei. U Nirmalakar, ha ka jingbitar tyngeh u la hiar thma bad thlieh da u sdie ïa la ka samla kaba u ïashong ïa sah lang, kaba la mynsaw bad ka la ïap noh tang hadien ki khyndiat sekhon. La ieh ïa i khunlung ha ki lyngkhot jong ka Pasi, u Nirmalakar beit beit u la leit sha police station, ha kaba u la pyndem noh ïalade ha ki pulit.

Ïa u Nirmalakar la bat noh da ki pulit. Ki la shim noh ïa i khunlung na ïingsah bad aiti sha ka Aanganwadi centre. Ïa ka ïing ki la khang tah muhor noh da ki pulit.

Sa ha kawei ka jingjia, u briew ba 40 snem ha Karnataka’s Bengaluru la kynnoh ba u la dung ïa la ka tnga kaba 32 snem jong u namarba u suba ba ka don samla shawei.

Une uba shah kem la ithuh kum u  BR Kantharaju. U la suba ïa la ka tnga, ka Roopa HG, ba ka don jingïadei bad ki arngut ki shynrang ki dkhot ka longïing jong ka. Ka jingsuba jong u ka la nangjur hadien ba u la ïohi ïa ka ba ka ïa shad lang bad kine ki arngut ha ka jingleit kai jong ka longïing, ong ka kaiphot. Ka la khie ka thma ktien hapdeng jong kine ki shijur halor kane ka mat. Une u tnga ha ka jingdom jngbitar u la dung ïa la ka jong ka tnga.

Previous articlePynïap ki pulit ïa u heh saipan, shah kem 4 ngut
Next articleÏap shah bom u samla Dalit ba ïa ieit samla ha Rajasthan