Shah kem kiba die tuh ïa u khaw FCI

Mairang, Nailur 15: Ka tyllong khubor naki pulit lyngba u SP ka West Khasi Hills ka ïathuh ba ka la ïoh ban kem noh ïa ki 3 ngut kiba donkti ha kaba die tuh ïa u khaw FCI ha Mairang kaba la jia haka 13 tarik u Nailur 2021.
Kiba la shah kem ha kane ka jingjia ki kynthup ïa u Mohendro Barman, 29 snem, uba dei u nongñiah kali na Golpara District Assam, u Nirmal Das, 28 snem na East Garo Hills, uba dei u nongïarap bad u Budeswar Hazarika bad ïaka kes la register hapoh Mairang PS Case No 35(09)21 U/S 420/120 B(2) IPC.
Shuh shuh ka tyllong khubor ka ïathuh ba ki Ophisar ka tnat Supply kila lap ba une u khaw um dei uba thmu ban wan kit haki Government PDS Wholesalers jong ka Mairang Sub Division hynrei la suba ba u dei uba la thmu ban wan die haki ïew ki hat.
Ki pulit ka Mairang Police Station haka 14 tarik Nailur 2021 kila leit ban kurup noh ïa u khaw naki 3 tylli ki dukan kiba la thied ïa une u khaw ha ryngkat ka jingtohkit bad baroh u khaw uba la ïoh ban kurup u don 400 byrni kata 200 byrni uba la dep ban pynhap haki 3 tylli ki dukan bad 200 byrni pat udei uba lap na ka kali bad baroh ki byrni ki dei kiba don ïa u khaw uba 50 kilo.

Previous articleKyllon ïap uwei ha ka jingïasiat bad ki pulit ha Tura
Next articlePynjur jingïakhih ki Casual Worker da kaba shah thngan