Monday, June 21, 2021

Rakhe Independence Day ka Shillong District Jail

Shillong Nailar 17: Ka Shillong District Jail ha ka 15 tarik Nailar ka la rakhe kyrpang ïa ka sngi laitluid jong ka Ri India, ha kaba ïa ka Lama lai rong la pynher da u  bah  M. Kharkrang, IPS, Inspector General of Prisons, Meghalaya, Shillong.

Ha katei ka sngi ka kynhun pulit jong ka 1st MLP Bn. ka la ïa shim bynta lang. Ïa ka jingrwai laitluid jong ka ri ne ka National Anthem la ïa rwai lang da ki koidi ki ba shah set ha kane ka jaka.

Shuh shuh ha ka por nohphai sngi ka Rotary Club jong ka Shillong ka la pynbiang ïa ka bam na la bynta ki koidi ki ba sah hangne bad ruh na ka bynta ki nongtrei ki ba trei ha kane ka jail.

Ka Rotary Club jong ka Shillong ka la pynkup burom ruh ïa u bah Dennis Warkhyllew, Superintendent, District Jail, Shillong da ka Certificate of Graditude haba ïadei bad ki kam ki ba u la leh,kham tam haba ïa dei bad ka jing peit bniah ban shim khia ba ki koidi ki ba shah set hangne kin ym shah ktah ha kane ka khlam COVID-19.