Wednesday, December 8, 2021

Pynliem ka Wahïajer ïa ka Ummulong ha sngi rakhe ïa u Deen Dayal

Shillong, Nailur 29: Ka Wahïajer SC ka la lah ban pynliem ïa ka Ummulung SC da ka jingïakynjat tie breaker ha ka jingïakhun ba la pynlong da ka Deen Dayal Upadhyay community college kawei na ki tnad treikam jong ka NEHU kaba don ha Wahïajer kaba la rakhe ruh artad ïa ka anniversary ne jingdap snem jong u Deen Dayal Upadhyay ha Wahïajer, West Jaiñtia Hills district.
Ha kane ka jingrakhe la don lang u myntri sorkar u Bah Sniawbhalang Dhar, uba la pynïaid ïa ka jingïalang, la don lang ruh u vice chancellor ka skul bah NEHU u PS Shukla kum u kongsan, MDC ka JHADC, u Bah Brightstar Chyrmang, u Pastor NS phawa, Henry Lamin, uba long ruh principal kane ka College, u waheh shnong Wahiajer bah Sanwotki Laloo bad kiwei kiwei.
Ha katei ka prokram kaba ki la pynlong ha ka 25 tarik u Nailur, 2021 ki la sdang da ka jingïamareh marathon ha ka por mynstep, bud sa ka Yoga klas bad ka jingïalehkai phutbol ha ka por janmiet.
Ïa ki khusnam sha ki nongjop ha kane ka sngi la sam da u principal ka Deen Dayal Upadhyay community college bad ïa ki kyntien ai khublei la ai da u bah Wolnish Rymbai uba long ruh u coordinator jong ka Deen Dayal Upadhyay community college.