Monday, October 25, 2021

Pynliem ka Tynring ïa ka Madanrting

Shillong, Risaw 04: Ka Tynring hynne ka sngi ka la lah ban pynliem da 2-0 ïa ka Madanrting ha ka lympung ïalehkai Fourth Division ka Shillong Sports Association (SSA) ha Second Ground, Polo na ka Group B.
Ka jingïakhun hapdeng kine ki arliang mamla ka la long kaba itynnad bad kaba ïakhaid bha bad haduh kaba kut ka kylla step ym shym la don ba lah ban pynkhih jar.
Ha ka kylla miet, ki rangïalehkai ka Tynring ki la pyneh triang bad ha ka minit kaba 52 u Baremdor Sohtun u la thep ïa ka kol kaba nyngkong bad ka kol kaba ar ka la wan lyngba u Dakerskhem Mynsong ha ka minit 62.
Mynta ka sngi ka jingïakhun kan long hapdeng ka Umsohsun pyrshah ïa ka Pay For Right ha ka por 3PM na ka Group C.