Pyllait im u hymmen ïa u para na ka jingngam jyllop ha Mawlong

Ka dur jong ki arngut shipara

Nongpoh, Lber 31:Ha kawei ka jingjia, u wei u heprit u la lait thaw na ka jingïap ngam jyllop hadien ba u la kum bakla bad hap ha kawei ka pung kaba don ha shnong Mawlong Nongtluh, bad kane ka jinglait im jong u tei u heprit ka dei na ka jingshlur jong u hymmen jong u ne u heprit u ba la len lade la ka jingim bad ban jngi ha katei ka pung ban pynlait im ïa la u para.

Kane ka jingjia, ka la jia ha ka 29 tarik mynta u bnai hapoh ka shnong Mawlong Nongtluh, ha kaba u wei u heprit ba la tip kyrteng kum u Yeomanly Dkhar khun jong u Bah Finan Malai bad ka kong Ailin Dkhar ba dang 10 snem da ka jingshlur bad ka mynsiem shynrang u la lah ban pynlait im ïa la u para khatduh u ba dang 5 snem 10 bnai hadien ba u ne u heprit u la hap ha kawei ka pung kaba don ha kane ka shnong.

La ïoh jingtip ba katei ka jingjia ngam jyllop jong u tei heprit, ka la jia ha ka 29 tarik mynta u bnai ha ka por 1 baje eiei , ha kaba ki heprit kiba don 3 ngut shipara kila leit ban sum ha kawei ka pung jong u Bah Naphang Syiem hynrei u wei na kitei ki shipara u la kum ngam jyllop ha katei ka pung bad dei na ka jingïohi jong ki katto katne ki para khynnah ki la pyrta ban ïoh jingïarap bad da ka jingshlur jong u hymmen jong u tei u heprit u la ngam hi bad ban pynlait im ïa la u para khatduh na katei ka pung.

La ïoh jingtip ruh, ba tang mar ïa ïoh sngew halor katei ka jingjia, u kpa jong kitei ki heprit u la leit marmar sha katei ka jaka bad ruh ban ïalam syndon ïa u khun jong u sha Umden PHC bad hadien pat la pynkynriah noh ban sumar sha Nongpoh Civil Hospital ban ïoh ïa ka jingsumar kaba paka, bad hadien katto katne sngi u ne u heprit u la ïoh biang ïa ka jingkoit bad ban leit phai sha la ïing.

Previous articleKa Nehru Memorial Skul ka slem ai jingstad ia ki samla pule:Dr. DD Lapang
Next articlePynbna u Conrad ban ai District ia ka Mairang