Plie u bah AL Hek ïa ka Shillong Ayurvedic Wellness Centre ha Nongmynsong

Bah AL Hek ba dang khap ribon.

Shillong, Risaw 12: U bah Alexander Laloo Hek mynta ka sngi u la plie ïa ka Shillong Ayurvedic Wellness Centre ha Nongmynsong kaba la pynïaid da ka Dr. Hlitwillina D Sangma bad u Dr. Megawath Surender.

Haba kren kum u kongsan haba plie ia kane ka jaka ai jingsumar Ayurvedic u la ong ba u la leit kylleng ki jaka ba don ia kum kine ki jaka sumar ha India bad sha duh Geneva bad la shem ba kane ka rukom sumar ka long kaba ki briew kila pdiang bha bad u la juh ong ba ka jylla Meghalaya ka don ia ka lad ban kyntiew ia kane ka jingsumar.

Ha kane ka sngi u  myntri ka tnad ka koit ka khiah barim ka jylla u la kyntu ba kan bha lada kane ka jaka ai jingsumar kan pynrung kyrteng hapoh jong ka MHIS khnang ba ki briew kiba duk ba rangli kin ioh ia ka jingsumar ha kane ka jaka namar ki don jingsumar kiba biang ha kane ka Ayurvedic.

La ong ba kane ka jingsumar ka ka dei kaba ar ha kane ka nongbah Shillong kaba nyngkong ka dei ka mebai ha kaba u la sdang ia kane ka jingsumar ha kane ka jylla Meghalaya bad kane kan long ka jingiarap kaba khraw ia ki paidbah namar ka long kum ka jingsumar khasi tang kan ruh ka jingstad saian ha kane ka rukom surmar.

Ka Dr. Dr. Hlitwillina D Sangma kala ong ba kala pyndep ia kane ka jingpule ha u snem 2016 bad kala sdang ban ai ia kane ka jingsumar ha u snem 2017 hynrei kam shym la ioh ia ka jaka kaba biang ban pynbiang ia ki jingdon kam, hynrei mynta kila ioh ia kane ka jaka kaba biang ha kaba ki la buh ruh ia ki jaka khem bad ki jaka pynsum ia kiba shitom katkum ka jingdon kam jong ki nongpang.

Ha kane ka jaka sumar ki don ki Nurse, ki Lab Technician bad ki nongiarap bad kane ka jaka sumar kan long katkum kane ka juk kaba mynta ha kaba ki sumar da ka rukom sumar tynrai da kaba pyndon kam ruh ia ki jignwatbniah katkum ka saian kaba mynta. 

Previous articleKyllon ïap 5 ngut ki pulit pahara ha ka jingïasynreit kuli bad ki lehnoh ha J&K
Next articleHalor ka kam bat bor ngat kyndon POCSO u kpa, ka kmie bad u kñi