Naduh 1 tarik yn shim dor thymmai ki kali kamai ha Mairang

Mairang, Rymphang 27: Ka Joint Action Committee of Passenger Vehicle Mairang Civil Sub-Division haka 26 tarik u Rymphang,2021 kala pynbna baka seng kan shim bad pyntreikam noh ïaka dor baishong kali kumba la bthah daka sorkar ha baroh kawei ka Mairang Civil Sub-Division naduh ka 1 tarik u lber 2021 kata katkum ka notification bala pynlait daka sorkar haka 13 tarik u January 2020.

Ka seng ka la ong nalor ba ki kali ki hap ban shim iaka dor bala pynbeit daka sorkar, ki hap ruh ban thep passenger katkum ka capacity, kata 2 ngut naka bynta ki auto rickshaw, 4 ngut naka bynta ki local taxi,5 ngut naka bynta ki tourist bad 7 ngut + naka bynta ki sumo.

Naka bynta ki auto rickshaw ka dor baishong kali kan long 14 tyngka naka bynta ka kilomitar kaba nyngkong bad 6 tyngka manla ki kilomitar kila bud, naka bynta ki Local taxi ka dor baishong kali kan long 26 tyngka naka bynta ka kilomitar kaba nyngkong bad 13 tyngka manla ki kilomitar kila bud katba naka bynta ki tourist ka dor baishong kali kan long 18 tyngka manla ka shi kilomitar bad ki sumo ka dor baishong kali kan long 2.05 shi khlieh briew manla ka shi kilomitar.

Shuh shuh katkum ka jingbatai la ong iaka dor baishong kali kaba mih baroh  yn phiah  (divide) daka jingdon ki passenger kiba shong haka kali naka bynta ki auto ricshaw, ki local taxi bad ki tourist katba naka bynta ki sumo ka dor bai shong kali kan long beit 2.05  shi khlieh briew manla ka shi kilometer.

Ka seng kala kren shai  ba kan ujor sha ki bor ba halor bad yn pynduh syndon iaka permit naka bynta ki kali kiba ialeh pyrshah.

Previous articleNa ki jaka sah yn ailad ka USTM ïa ki samla pule ban thoh Online Eksam
Next articleKynthoh ka RBSU ïa ka sorkar MDA ba kular kai halor ka jingkieng Dwar Ksuid