Mar T.5000 sam u Conrad sha ki nongrep ban thied symbai

Ki nongrep kiba iohpdiang ia ki cheque ba T.5000 na u Conrad Sangma

Shillong Naitung 20:  U Myntri Rangbah ka jylla u Conrad K Sangma hynne ka sngi u la ong ba ka sorkar jylla kala sam mar T. 5 hajar na ka bynta ki nongrep ban thied iaki symbai jhur khamtam ia kito kiba don bynta ha ki kynhun bala seng da ki nongrep haka ki shnong.

          U Myntri Rangbah ha ryngkat ka jing donlang u Chief Whip ka sorkar u Marcuise Marak u la leit shaka thain Songsak naka bynta ban jurip bad buddien iaka kam rep hapoh kane ka thain bad kumjuh ruh ban pynthikna ba ka Prime Hub kaba don hapoh ka shnong Songsak East Garo Hills ka treikam naka bynta ban ai jing myntoi iaki nongrep ka thain.

          Haba kren ha kane ka sngi u Conrad u la ong ba ka sorkar kala seng iaki Prime Hubs hapoh ka jylla naka bynta ban ai jing myntoi iaki nongrep jong ka jylla da ka ba wanrah iaki Polisi ban pynthikna ba ki nongrep hapoh ka jylla ki ioh lut iaki lad jing iarap kiba bun rukom. 

Ha kane ka sngi u Myntri Rangbah u la sam ruh iaki Cheque sha ki katto katne ki nongrep napoh kane ka thain kiba ioh iaka jing iarap lyngba ki skhim bapher jong ka tnat ka rep ka riang ka sorkar jylla bad ka sorkar kmie bad u la sam ruh ia ki syrnod sha ki nongrep kiba la pyndep iaka jing shah pyntbit hapoh ka Bakdil Training Centre Walbakgre Tura lyngba ka tnat Meghalaya Basin Development Agency (MBDA).

Nalor kane u Myntri Rangbah u la kyntu ruh iaki nongrep ban seng da ki kynhun ne ki Self Help Group (SHG) naka bynta ban ioh ki lad jing iarap naduh ki symbai jhur haduh ka jing pynpoi iaki mar rep shaki iew wat shaduh kiwei ki ri jong ka pyrthei.

Previous articleÏap 13 bad ïabit COVID-19 thymmai 500 ngut
Next articleDawa ka JACL ban pynsangeh shwa ïa ka Land Bill ka KHADC