Lah 3 sngi ka jingtohkit ‘Judicial Inquiry’ ka la ïaid, ong u Conrad

Conrad Sangma

Shillong Nailur 13: U Myntri Rangbah ka jylla u Conrad K Sangma u la ong, ka jingtohkit ka Judicial Inquiry halor ka jingjia ha ka 13 tarik u Nailur kala iaid shakhmat ha kine ki 3 sngi kiba la dep.

U la ong, hadien ba u Nongbishar uba la shongthait ula wan poi ha ka nongbah u la iakren bad u Chief Secretary ka jylla bad dang ha kine ki 3 sngi kiba la de pula sdang iaka jingtohkit.

Ha kaba iadei bad ka jingpan shuti u Director General of Police ka jylla u R Chandranathan, u Myntri Rangbah u la ong, u DGP ka jylla u la pan shuti da ka jingthoh bad shisien ba la pyndep ia baroh ki jingdonkam, ka sorkar kan sa ai jingbit ia u DGP ba yn shim shuti kumba u la pan.

“Lada uno uno u briew u kwah ban shim shuti namar ka jingbym don ha ka met kaba koit ba khiah ne na ki daw shimet, kum u nongtrei sorkar u don ia ka hok ban ioh ia ka shuti bad ka sorkar ka hap ban ai ia ka shuti lada u dei hok ban ioh” ong u Conrad.

Ha kaba iadei bad ka jingbuh jingkylli ki paidbah ia ka jingpan shuti u DGP ha kum kane ka por, u Myntri Rangbah u la ong “Ka jingpan shuti u DGP kam don bynta eiei bad ka jinglong jingman ha ka jylla namar ba u la pan shuti namar ki daw shimet bad nga la mynjur ia katei hynrei hap pat ban iaid katkum ki kyndon treikam”.          

Ha kaba iadei bad ka jingdawa ban wengkam shipor ia ki 3 ngut ki heh pulit ka jylla ha kaba iadei bad ka jingshah siat iap u Bah Cherishterfield Thangkhiew, u Conrad ula ong, ka sorkar kala dep kren shai ba kan sa shim ia ka sienjam ban pynshitom da kaba pynshong nongrim katkum ka jinglap jong ka kynhun tohkit kaba laitluid.

U la ong, kam long ban shu pynshitom iano iano ruh hynrei dei ban don ia ki sabut kiba paka kumta ka sorkar kan sa pynshitom tang hadien ba ka Judicial Inquiry kala dep ban aiti ia ka kaiphod.

U Myntri Rangbah u la ong, ba kial don katto katne ki jingjia ha katto katne ki shnong hynrei ka jinglong jingman ha ka jylla kala long kaba jai jai bha bad ka sorkar jylla kala khmih bniah bin pa bin ban pynthikna ba ka jinglong jingman kam dei ban heh.

Previous articleRai ka sorkar ban pyntreikam ïa ka MMAR 2021, pynkylla MOU ban pynbiang Internet
Next articleKhluit u Conrad bad Process, mih jyndat ki MLA Congress