Kyrpad ka Rhea Chakraborty ïa u Amit Shah ban phah tohkit da ka CBI

Rhea Chakraborty

Mumbai, July 16: Ka Rhea Chakraborty, ka samla jong u Tyngshop Sushant Singh Rajput, ka la kyrpad ïa u Myntri ka Kam Pohïing, u Amit Shah ban phah tohkit da ka CBI halor ka jingïap jong u samla jongka.

Ka Rhea ka la pynithuh ïalade ha u Myntri Kam Pohïing, lyngba ka Instagram ha ka janmiet Sngi Palei, kum ka samla jong u tyngshop ba la ïap bad dawa ban phah tohkit da ka CBI. La lap ïa u Sushant ba la sdien phasi ha la ïing ha ka 14 tarik u Jylliew bad katkum ka kaiphot postmortem report la ong ba u pynïap ïalade.

Naduh ba une u tyngshop ba la 34 snem ka rta u la ïap ha u bnai ba la dep, bun bah ki nongmihkhmat paidbah, ki ‘riewpawkhmat bad ki paidbah ki la dawa ïa ka jingtohkit da ka CBI ïa kane ka jingjia kaba dang don mynta ha ka jingkhmih jong ki Pulit Mumbai.

Shuh shuh, u Pappu Yadav, u MP barim jong ka Bihar kaba dei ka jylla jong u Sushant u la pynpaw paidbah ba u la phah ïa ka shithi jingdawa jongu ban tohkit da ka CBI, ïa kaba u la phah sha u Myntri Kam Pohïing.

Previous articleAi khublei Sngikha ïa ka Katrina Kaif’s da u Salman, Vicky, Deepika, Alia, Anushka, bad Varun
Next articleBa sheptieng covid jurip ka block ha Nongkwar bad ka HNYF ïa ka marten