Kyntait eksamin u doktor ïa ka khynnah kaba shah leh beijot

Baghmara, Naitung 19: Ha kawei naka jingjia shah lehbeijot jong ka khynnah kynthei kaba dang rit ka rta, 4 ngut ki briew ki la shah kem na ka district jong ka South Garo Hills (SGH), kata hadien ba ki la pynbiej ia ka bad ki sa pynjot dusmon pat ia ka met jong kane ka kynthei kaba dang khynnah.

Shuh shuh kaba kham sngewsih ka long, hadien ba ki la dep ujor ia kane ka kam beain sha ki pulit, u doctor uba don ha Williamnagar Civil Hospital, ka hospital kaba hajan eh na ka jaka ba la jia ka jingshah leh beijot, u la kyntait ban leh ia ka eksamin ha kaba u la pynpaw ia ka jingeh jong u pud u sam ba kane ka hospital ka dei khmih.

Hadien kane la hap ban ialam ia ka sha Baghmara, ka lynti kaba jngai kaba palat 5 kynta tang na ka bynta ban ioh ia ka jingleh eksamin.

Katkum ka kaiphot, kane ka khynnah kynthei ka la shah khot ha uwei na kine ki khynnah kaba ka ithuh i thaw bad u la kyntu ba kan shong lang hapoh kali. Haba kala rung hapoh kali bad ki ka la lap ba ki don sa lai ngut kiwei ki briew kiba shong lypa ha kane ka juh ka kali bad ki la kit ia ka sha u lum jyntep uba don hajan ha kaba la kynnoh ba ki la leh beijot pyrshah ia ka.

Ia kane ka jingjia la ujor sha ki pulit hynnin ka sngi, hadien baka la shah dep lehbeijot, watla kine ki saw ngut ki la phet na ki pulit. Hynrei ki la shah kem noh hynne ka step Lah sngi U Blei hadien ka jingkhynra kaba jur na ki pulit.

Kane ka jingjia basngewsih ka la jia ha ka por kumba 10 baje hynnin ka sngi jong ka 18 tarik u Naitung.

“Ki la phet haba ki la iohi ia ka kynhun pulit hynrei ngi la ioh ban kem ia ki hynne ka step. Ngi la book pyngngat ia ki kyndon bapher jong ka ain bad la pyngngat ruh hapoh ka POCSO Act. Ia kane ka jingjia ki dang tohkit shuh shuh,” ong u district police chief, u Rithuraj Ravi S.

Ha kajuh ka por, haba pynthikna ia ka jingkyntait jong ka Williamnagar Civil Hospital naka bynta ban eksamin ia ka, u SP u pynpaw ba ki la shimkhia ia kane bad ka tnad ka koit ka khiah.

Previous articleDawa u MLA & MDC ban pynurlong ïa ka Umden C&RD Block bad surok NUS
Next articleDawa u James & NPP ban ai Distrik noh ïa ka Dadenggre