Kiew ki kam shah thombor ki kynthei ha WKH

Nongstoiñ, Risaw 12: U District Child Protection Officer ka West Khasi Hills District u bah W.Shabong u la kubur ba ki kam thombor bad kam shah lehbe-ijot ia ki kynthei khynnah ki la kiew bha hapoh West Khasi Hills District bad u la ai nuksa ba ka jingkiew kiba kum kine ki kam ka dei namar ka jingpyndonkam bakla ia ka internet ha kaba ki khynnah bad kumjuh ruh ki rangbah kim sngewthuh ia ka dor jong ka.

U la ong ruh ba kiba kum kine ki case ki don mynshwa ruh hynrei mynta ki briew ki la kham wan shakhmat ban ujor bad

kane ka dei namar ba ki paidbah mynta ki la sdang ban shaniah ia ka jingtreikam ki pulit.

U la ban jur ruh ba ka shongkha khynnah ruh ka dei kawei na ki mat kaba pynkha ia ka kam leh be-ijot bad kam shah thombor.

Namarkata, u la ai jingmut ba naka bynta ban rat dyngkhong ia kiba kum kine ki jingjia donkam ban pynkhlain ia ki awareness programme bad donkam ruh iaka jingiatreilang ki shnong ki thaw ban iakhun pyrshah ia kiba kum kine ki jait jingsniew.

Previous articleDuhnong ki khynnah skul ba ïakhih ki nonghikai SSA
Next articleLyngba ka IRAD yn pynduna jingtakhuh kali ha ka jylla