Khlad u nong Umroi na u COVID-19

Shillong Lber 20: U Director ka Health Services (MI), u Dr. Aman War u la pyntip ba mynne ka sngi uwei u riew rangbah uba na Umktieh, Umroi Ri Bhoi District, uba don ia u COVID-19 bad kiwei kiwei ki jingpang u la khlad noh.

U DHS u la pyntip ba utei u Rangbah uba la khlad noh la tip kyrteng kum u Bah Debaris Lyngdoh, 38 snem ka rta bad la pynkit ia u sha Woodland Hospital ha ka 18 tarik u Lber bad ha ka jingleh test la lap ba u don ia u COVID-19 hynrei ha ka 20 tarik u Lber u la khlad noh.  

U Dr War u la pyntip ba tang mynne ka sngi, kila don 4 ngut ki nongshong shnong ka jylla Meghalaya kiba la ïoh ïa ka jingpang COVID-19 bad 6 ngut kila koit noh na katei ka jingpang. 

U la pyntip ba ha ka jylla baroh kawei ki don 28 ngut kiba dang don ïa u COVID-19, 13835 ngut kila koit na katei ka jingpang bad 149 ngut kiba la khlad noh kiba ioh ia u COVID-19 bad kiwei kiwei ki jingpang.

Previous articleLait thaw u nongai dawai kynbat na ka kti ki nonglute
Next articleShah pynbor rung kam khaii met ka khynnah 12 snem