Wednesday, December 8, 2021

Ka Ñiaw Wasa ka lahduh ba nyngkong ka Meghalaya State Futsal League

Shillong, Risaw 03: Ka Ñiaw Wasa ka la kylla long ka lahduh ba nyngkong nyngshap ka Meghalaya State Futsal League hadien ba pynliem haduh 10-6 ïa ka Ryntih ha ka final ha ka sngi Saitjaiñ.
Ka Ñiaw Wasa kum ka lahduh ka la ïohrung syndon mynta sha ka National Futsal League, ka ban long ruh ha kane ka jylla Meghalaya ha u bnai ban wan.
Ha ka jingïalehkai ka Ñiaw Wasa ka la thep lypa da 3-0 bad ka Ryntih ka la ïohthep ïa kitei ki hynriew kol ha ka kylla miet.
Ka Ryntih ka la ïohrung sha ka final hadien ba ka la wan nyngkong na ka Group A bad hadien kane ka la pynliem ïa ka Shillong Lajong ha ka semifinal. Ka Ñiaw Wasa ka dei ka lahduh na ka Group C bad pynliem ïa ka Little Star Academy ha ka semi-final. Kum ka lahduh ka Ñiaw Wasa ka la ïoh khung ïa ka khusnam pisa kaba T.30,000 katba ka Ryntih kaba wan ba-ar da T.20,000.