Ïap 13 bad ïabit COVID-19 thymmai 500 ngut

Shillong Naitung 20: Ka Tnad ka koit ka khiah jong ka jylla ka la pyntip ba mynne ka sngi, kila don 13 ngut kiba khlad noh, 476 ngut kiba la koit bad 500 ngut kiba ïoh ïa ka jingpang COVID-19 ha ka jylla baroh kawei.

Ki 13 ngut kiba khlad noh ki kynthup 1 ngut na East Khasi Hills, 1 na North Garo Hills, 1 na West Garo Hills, 2 ngut na West Jaintia Hills, 2 ngut na West Khasi Hills bad baroh kiba la khlad ki la don 968 ngut ha ka jylla baroh kawei.

Ka Tnad ka Koit ka Khiah kala pyntip, ba ki 500 ngut kiba ïoh COVID-19 mynne ka sngi, ki kynthup 16 ngut na East Garo Hills, 8 ngut na East Jaintia Hills, 148 ngut na East Khasi Hills, 21 ngut na North Garo Hills, 36 ngut na Ri Bhoi, 15 na South Garo Hills, 24 ngut na South West Garo Hills, 58 ngut na South West Khasi Hills, 108 ngut na West Garo Hills, 42 ngut na West Jaintia Hills, 24 ngut na West Khasi Hills bad kiba dang don ia ka jingpang ha ka jylla ki don 4044 ngut.

La ïathuh ba ki 476 ngut kiba la koit, ki kynthup 23 ngut na East Garo Hills, 6 na East Jaintia Hills, 140 ngut na East Khasi Hills, 31 ngut na North Garo Hills, 30 ngut na Ri Bhoi, 9 ngut na South Garo Hills, 6 ngut na South West Garo Hills, 17 na South West Khasi Hills, 86 ngut na West Garo Hills, 97 ngut na West Jaintia Hills, 31 ngut na West Khasi Hills bad kiba la koit la khiah ha ka jylla baroh ki don 53263 ngut.

Previous articleÏakynduh ka HYC, SWKH ïa ka DC halor ka jingthungkam
Next articleMar T.5000 sam u Conrad sha ki nongrep ban thied symbai