Wednesday, December 8, 2021

Ïakhaid ka India bad Bangladesh ha ka SAFF C’ship

NEW DELHI, Risaw 04: Ka India ka la sdang ïa kane ka SAFF Championship 2021 da ka jingïakhaid kaba mar 1-1 bad Bangladesh ha ka jingïakhun hynne ka sngi ha National Football Stadium, Male, Maldives hynne ka janmiet.
Ha kane ka jingïalehkai kaba ïakhaid bad kaba ïabiang bor ka India ka la ïoh pynkhih jar nyngkong lyngba u captain, u Sunil Chhetri ha ka minit kaba 27 lyngba ka bol ba pynbuh bhan da u Udanta Singh bad tam lypa da 1-0 haduh kaba kut ka kylla step.
Na ka bynta u Chhetri ka dei ka kol kaba 76 ha ka jingim jong u.
Hynrei ha ka kylla miet, ka Bangladesh kam shym la duh mynsiem bad pyni bor triang bad khatduh ka la thep ïa ka kol pynïakhaid lyngba u Yeasin Arafat ha ka minit kaba 74.
Ka Bangladesh ka hap ïakhun tang 10 ngut ki rangïalehkai naduh ka minit kaba 54 hadien ka jingïoh redcard u Biswanath Ghosh. Ka India ka la pynlehnohei katto katne ki kabu ksiar ha kane ka jingïalehkai.
U coach ka India, u Igor Stimac u la sei madan ïa ki rangïalehkai dangkhie kynthup u Brandon Fernandes uba mih bujli ïa u Anirudh Thapa.