“Donkam ban jied ki nongialam ban kyntiew i’a imlang bad ki longkmie”

Ki Longkmie ha ka jingïalang.

Shillong, Lber 31: ‘Donkam ban jied bad ban long ruh ki nongïalam khnang ban ïarap kyntiew lang ïa ka imlang sahlang bad kumjuh ruh ïa la ki para Longkmie,’ sawa ka sur jong ki Longkmie ha ka jingrakhe ïa ka sngi kyrpang ki Longkmie ba la rakhe ha ka pyrthei baroh kawei.

Ïa katei ka jingrakhe lah pynlong ruh da ka North Eastern Regional Domestic Workers Movement, Meghalaya Region, kaba lah pynlong ïa katei ka prokram ha Ferrando Transit Shelter Home, Mawlai halor ka mat ‘Chose to challenge- Women Leadership.

Ïa katei ka prokram lah sdang da kaba pynrung kyrteng ha kaba kumba 150 ki nongtrei ïing ne domestic workers ki la wan ban ïa shim bynta ha katei ka jingrakhe.

Ha katei ka sngi ka lah don ruh ka jingai jinghikai halor kumno ban long ki nongïalam bad ban ïa long kawei ba la batai bad pynïaid da ka Kong Wanpynhun Kharsyntiew, Lobbying and Advocacy Coordinator NDWM, Meghalaya Region.

Ka la don ruh ka prokram ba lyngkot halor u Covid ba la batai da ka Kong Evangeline Shangpliang, Program Coordinator NDWM, Meghalaya Region.

La plie ïa ka prokram da kaba tbeh sharak da ka sister Daleena G bad ka Kong Evangeline, ba la pynbud pat da ka jingpynkup burom ïa kongsan bad kiba lah shah khot sngewbha da ka Kong Banjoplin Kharmudai, President All Meghalaya Domestic Workers Union bad lah kren pdiang sngewbha da ka sister Delina Lyngdoh, Regional Coordinator NDWM.

Ki nongkren ki long ka samla Elphidia Dohling, Coordinator bad 181 ngut ki nongtrei women helpline ki la donlang ha ka prokram ba lyngkot ha ka jingdonkam ban ai ki jingïada ne jingïarap ïa ki Longkmie.

Katba ïa ki hok halor ki Longkmie la batai da ka Kong Fenella Lyngdoh Nonglait, Senior Advocate kaba ïadei bad ki Rights and duties jong ki Longkmie ha kaba ka la ong ba ki Longkmie ki don ïa ki hok bad ki kamram hapoh ka imlang sahlang.

Ïa ka prokram la pynkut da ki kyntien ai khublei na ka Kong Mary Osmond Shylla, General Secretary ka All Meghalaya Domestic Workers Union bad ïa ka prokram lah pynlong ha ka 8 tarik mynta u bnai Lber, mynta u snem.

Previous articleShah kem 4 ngut ha Umsning, kurup drok ba T.52 lak
Next articleKa Nehru Memorial Skul ka slem ai jingstad ia ki samla pule:Dr. DD Lapang