Monday, October 25, 2021

28 tarik yn sdang ïakhun One Day ki team ka Meghalaya U-19

Shillong, Nailur: Ka jingmih madan ki khynnah ïalehkai U-19 ka jylla kynthei bad shynrang ha ka 2021-22 domestic one day cricket kan sdang naduh ka 28 tarik mynta u bnai, pynbna ka BCCI.
Ki kynthei kin mih madan ha ka Women’s U-19 One Day Trophy ban long ha Bhubaneshwar, katba ki shynrang kin mih madan ha Vinoo Mankad Trophy ha Ranchi.
Kine ki ar team ka Meghalaya ki hap ha la ki jong ki jong ki plate group ha kane ka tournament. Na ka liang ka Meghalaya Cricket Association (MCA) kan sa pynbna ïa ki ki kyrteng ki nongïalehkai jong kine ki ar kynhun.
Ïa mynta ki khynnah ïalehkai kynthei ka jylla ki don ha ka jaka kilan met ha Bangalore, katba ki shynrang ki kilan met ha Vadodara.
Ka jingphah ïa ki khynnah ïalehkai ka jylla ban kilan met sha kine ki artylli ki jaka ka long shibynta ban lait na ka jingshah pynthut ha ki bor ka mariang ha ka jylla (Meghalaya).

Ka prokram ïalehkai ka Meghalaya U-19 girl:
Meghalaya vs Manipur, 28th September
Meghalaya vs Nagaland, 29th September
Meghalaya vs Sikkim, 1st October
Meghalaya vs Arunachal Pradesh, 2nd October
Meghalaya vs Jammu & Kashmir, 4th October

Ka prokram ïalehkai ka Meghalaya U-19 boy:
Meghalaya vs Arunachal Pradesh, 28th September
Meghalaya vs Nagaland, 29th September
Meghalaya vs Mizoram, 1st October
Meghalaya vs Manipur, 2nd October
Meghalaya vs Sikkim, 4th October